Венсан Компанига ЕЧЛдаги ғолиблик учун 1 миллион евро бонус тайёр
"Бавария" бош мураббийи Венсан Компани агар жамоаси Чемпионлар лигасида ғолиб чиқса, 1 миллион евро миқдорида махсус бонус олиши мумкин. Ушбу молиявий рағбатлантириш мутахассиснинг 2029 йилгача амал қиладиган янги шартномасига киритилган. Айни пайтда мюнхенликлар Европа Чемпионлар лигаси яримфиналида "ПСЖ"га қарши майдонга тушишга тайёргарлик кўрмоқда. Германия Бундеслигасида муддатидан олдин чемпионликни қўлга киритган жамоа энди асосий эътиборни ЕЧЛдаги ғалабага қаратган.
“Бавария” бош мураббийи Венсан Компани агар жамоа Чемпионлар лигасида ғолиб чиқса, клуб томонидан катта миқдорда махсус бонус олиши мумкин. Sport Bild маълумотига кўра, бу мукофот суммаси 1 миллион еврони ташкил қилади.
Хабарларга кўра, ушбу молиявий рағбатлантириш белгиялик мутахассиснинг янги шартномасига киритилган. Томонлар ўтган йил кузида келишувга эришган бўлиб, шартнома 2029 йилга қадар амал қилади.
Ҳозирги пайтда мюнхенликлар Европа Чемпионлар лигасининг яримфиналига йўл олган ва бу босқичда амалдаги чемпион “ПСЖ”га қарши майдонга чиқади.
Маълумот учун, “Бавария” бу мавсумда Германия Бундеслигасида муддатидан олдин чемпионликни қўлга киритиб улгурган. Энди жамоа асосий эътиборни ЕЧЛдаги тўлиқ ғалабага қаратмоқда.
Яримфинал ўйинлари 28 апрель ва 6 май кунлари бўлиб ўтади.
Изоҳлар 0
…