Бельгия терма жамоаси ҳужумчиси Ромелу Лукаку рухсатсиз ватанига кетиб қолгани учун "Наполи" раҳбарияти томонидан жаримага тортилди. Футболчи март ойидаги халқаро танаффусдан сўнг Италияга қайтиш ўрнига, жароҳатини Белгияда даволашни афзал кўрган эди. Бу ҳақда Goal.com хабар беради.
Италия нашрларининг хабар беришича, 32 ёшли ҳужумчи душанба куни Неаполга қайтиб, машғулотларга қўшилади. Лукаку март ойи охиридан бери бош мураббий Антонио Конте билан юзма-юз кўришмаган ва клуб шифокорлари назоратидан қочиб, мустақил равишда тиббий ёрдам олган.
Клуб спорт директори Жованни Манна футболчининг хатти-ҳаракатидан норози эканини яширмади. Унинг таъкидлашича, жамоа манфаати ва интизом ҳар қандай шахсдан устун туради.
Лукаку жорий мавсумда жароҳатлар сабабли бор-йўғи 64 дақиқа майдонда ҳаракат қилиб, битта гол уришга эришди.
Конте ушбу ҳужумчини "Челси"дан 30 миллион евро эвазига сотиб олишни шахсан сўраган эди. Бироқ футболчининг ўзбошимчалиги ва паст натижалари унинг жамоадаги келажагини сўроқ остида қолдирмоқда.
Мавсум якунланишига бешта ўйин қолганида Лукаку таркибга қайтиши кутилмоқда.
“Zamin”ни Telegram'да ўқинг!
