"Наполи" ҳужумчиси Ромелу Лукаку жисмоний ҳолати ва жароҳатлари билан боғлиқ можаро туфайли мавсумнинг қолган қисмида таркибдан четлатилиши мумкин. Бельгия терма жамоаси сафидан қайтган ҳужумчи клуб базасига келиш ўрнига, жароҳатини даволатиш учун ўз ватанида қолишни афзал кўрган. Бу ҳақда Goal.com хабар беради.
Бу қарор клуб раҳбариятининг кескин норозилигига сабаб бўлди.
Ла Репубблиcа нашрининг хабар беришича, 32 ёшли футболчи ва клуб ўртасидаги муносабатлар инқирозли нуқтага етган. Лукаку 20 апрель куни Италияга қайтиши кутилмоқда, бироқ у жамоа билан машғулотларда қатнашмаслиги мумкин.
Клуб раҳбарияти футболчининг рухсатсиз йўқлигига нисбатан муросасиз муносабатда бўлишини ва интизомий чоралар кўрилишини маълум қилди.
Спорт директори Жованни Манна "Милан"га қарши ўйиндан олдин футболчининг ҳаракатларини танқид қилди. Унинг сўзларига кўра, Лукаку клуб талабига зид равишда Белгияда қолган.
Манна гуруҳнинг яхлитлиги ва ўзаро ҳурмат ҳар қандай шахсдан устун эканлигини, Лукакунинг ҳаракатлари эса тартиб-қоидаларни бузиш деб баҳоланишини таъкидлади.
Мураббий Антонио Конте 2024 йил август ойида "Челси"дан 30 млн еврога сотиб олинган ҳужумчининг ҳолатидан норози. Мавсум давомида бор-йўғи битта гол урган ва доимий жароҳатлар туфайли ўйинларни ўтказиб юборган Лукаку ёзда жамоани тарк этиши кутилмоқда.
Ҳозирда 66 очко билан турнир жадвалида иккинчи ўринда бораётган "Наполи" асосий эътиборини Европа Чемпионлар лигаси йўлланмасини сақлаб қолишга қаратган.
“Zamin”ни Telegram'да ўқинг!
