"Вулверхэмптон"нинг 18 ёшли ярим ҳимоячиси Матеус Мане ёзги трансфер ойнасида "Манчестер Юнайтед" ёки "Ливерпуль"га ўтиши мумкин. Ёш иқтидор эгаси жорий мавсумнинг иккинчи ярмида ўзининг ёрқин ўйинлари билан Англия элитасининг эътиборини тортди. Бу ҳақда Goal.com хабар беради.
Мане Португалияда Гвинея-Бисаудан келган оилада туғилган. 2015 йилда онаси билан Манчестерга кўчиб ўтган.
Дастлабки йилларда у инглиз тилини умуман билмаган, аммо футбол орқали ўзини кўрсата олган.
2023 йилда у "Рочдейл" академиясига қабул қилинган ва тез орада "Вулверхэмптон" скаутлари назарига тушган. Муваффақиятли синовдан сўнг клуб билан шартнома имзолаган.
Матеус Мане "Вулверхэмптон" тарихидаги Премьер-лигада майдонга тушган энг ёш футболчига айланди. У "Вест Хем"га қарши ўйинда ўзининг катталар жамоасидаги дастлабки голини уришга муваффақ бўлди.
Жамоа бош мураббийи Роб Эдвардс унинг майдонни кўриш қобилияти ва тезлигини юқори баҳолади. Ҳозирда Мане асосан ҳужумкор ярим ҳимоячи позициясида ўйнамоқда ва ўз ҳаракатлари билан ажралиб туради.
“Zamin”ни Telegram'да ўқинг!
