Челси жамоаси Англия Премер-лигасида кучли бешликка кириш имкониятини бой берган бўлса-да, Чемпионлар лигасига йўлланма олишнинг мураккаб ва назарий йўли ҳали ҳам мавжуд. Бунинг учун лондонликлар турнир жадвалида олтинчи ўринга кўтарилиб олишлари ва Астон Вилла жамоасининг Европа лигасидаги муваффақиятига умид қилишлари керак. Бу ҳақда Goal.com хабар беради.
UEFA қоидаларига кўра, мавсум якунида энг яхши кўрсаткич қайд этган лигалар қўшимча Чемпионлар лигаси ўрнига эга бўлиши мумкин. Агар Астон Вилла Европа лигасида ғолиб чиқиб, Премер-лигада кучли бешликдан жой олса, олтинчи ўринни эгаллаган жамоа учун нуфузли турнир эшиклари очилиши мумкин.
Ҳозирда Челси турнир жадвалида тўққизинчи ўринда бормоқда ва вазият уларнинг ўз қўлида эмас. Жамоа вақтинчалик бош мураббийи Cалум МcФарлане математик ҳисоб-китобларга эмас, балки қолган ўйинларда яхши натижа кўрсатишга эътибор қаратаётганини таъкидлади.
Астон Вилла эса Европа лигаси ярим финалида Ноттингҳам Форестга қарши жавоб ўйинида ғалаба қозониб, финалга чиқиш учун кураш олиб бормоқда. Челси учун бу мавсум якуни жуда муҳим аҳамият касб этади, чунки жамоа келаси мавсумда Европа майдонларида қатнашишни мақсад қилган.
“Zamin”ни Telegram'да ўқинг!
