Барселона клубининг собиқ президенти Хосеп Мария Бартомеу Неймар Пари Сен-Жермен сафига ўтиб кетганидан сўнг, каталонияликлар Килиан Мбаппе учун расмий таклиф билан чиққанини маълум қилди. Бу воқеа 2017-йилги ёзги трансфер ойнасининг шов-шувли даврига тўғри келади, ўшанда клуб бразилиялик юлдуз ўрнини боса оладиган футболчи излашга мажбур бўлган эди. Бу ҳақда Goal.com хабар беради.
Бартомеу СEР нашрига берган интервюсида Неймар 222 миллион евро эвазига Парижга йўл олганидан сўнг клуб қийин аҳволда қолганини тан олди. Унинг сўзларига кўра, Неймар кетиши жамоа учун кутилмаган зарба бўлган ва раҳбарият унинг кетишини истамаган.
Ўша вақтда Монако сафида порлаётган Килиан Мбаппе Барселона учун асосий нишонлардан бирига айланган эди. Клуб бир вақтнинг ўзида ҳам Мбаппе, ҳам Усмон Дембеле бўйича музокаралар олиб борган, бироқ якуний қарор мураббийлар штабига ҳавола қилинган.
Собиқ президентнинг таъкидлашича, мураббийлар штаби айнан Усмон Дембелени танлаган. Шу сабабли, Барселона Боруссия Боруссия Дортмунд билан 105 миллион евролик келишувга эришиб, франциялик вингер билан шартнома имзолашни маъқул кўрган.
“Zamin”ни Telegram'да ўқинг!
