Неймар ҳакамга истеҳзоли муносабати учун дисквалификация қилиниб, «Реал»га қарши ўйинни қўйиб юбориши мумкин

“Барселона” жамоаси ҳужумчиси Неймар “Малага”га қарши (0:2) учрашувнинг 65-дақиқасида иккинчи сариқ карточка олиб майдонни тарк этганди, деб ёзади Уфф.уз сайти.

Бразилиялик футболчи майдонни тарк этаётганида захира ҳакамига нисбатан истеҳзоли қарсак чалиб, трибуна ичига кириб кетди.

Неймар “Реал Сосьедад”га қарши 15 апрел куни бўлиб ўтадиган Ла Лига 32-турини аниқ қўйиб юборади. Агар Ла Лига назорат-интизим қўмитаси Неймарни спортга хос бўлмаган хатти-ҳаракати бўйича жазоласа, у 2–3 ўйинга дисквалификация қилиниши мумкин.

Бу эса унинг “Реал”га қарши 23 апрель куни бўлиб ўтадиган “Эл-Класико”даги иштирокини хавф остига солади.

Янгиликлар