Манчестер Сити аёллар жамоаси 10 йиллик танаффусдан сўнг Англия аёллар суперлигасида (ВСЛ) чемпионликни қўлга киритган бўлса-да, жамоа мухлислари учун кутилмаган хабар тарқалди. Жамоанинг асосий ҳужумчиси Хадижа Шоу мавсум якунида клубни тарк этишга қарор қилди. Бу ҳақда Goal.com хабар беради.
Хадижа Шоу жорий мавсумда 21 та ўйинда 19 та гол уриб, жамоанинг чемпионликка эришишида муҳим рол ўйнади. Бироқ, томонлар ўртасидаги янги шартнома бўйича музокаралар муваффақиятсиз якунланди ва футболчи янги чақириқларни қабул қилишга қарор қилди.
ОАВ хабарларига кўра, ҳужумчига асосий даъвогар сифатида Челси кўрилмоқда. Лондон клуби футболчига Манчестер Сити таклиф қилганидан кўра юқорироқ маош ва жозибадор шартлар таклиф қилган.
Ушбу трансфер Манчестер Сити учун катта йўқотиш бўлиши шубҳасиз. 2021-йилда Бордо клубидан келганидан буён Хадижа Шоу Европанинг кучли бешлик чемпионатларида энг кўп гол урган ҳужумчилардан бирига айланган эди.
“Zamin”ни Telegram'да ўқинг!
