Англия Премер-лигаси доирасида Ливерпулга қарши сафар ўйини олдидан Челси жамоасида жиддий кадрлар муаммоси юзага келди. Жамоа вақтинча бош мураббийи Калум МкФарлане асосий дарвозабон Роберт Санчезнинг ушбу баҳсни ўтказиб юборишини тасдиқлади. Бу ҳақда Goal.com хабар беради.
Роберт Санчез Ноттингҳам Форестга қарши ўйинда Морган Гиббс-Вҳите билан тўқнашувдан сўнг жароҳат олган эди. Мия чайқалиши протоколи туфайли испаниялик посбон майдонга туша олмайди. Унинг ўрнини яқинда жароҳатдан қайтган Филип Жоргенсен эгаллаши кутилмоқда.
Жамоанинг ҳужум чизиғида ҳам муаммолар сақланиб қолмоқда. Педро Нето ва Алежандро Гарначо машғулотлардаги жароҳатлари сабабли Ливерпулга қарши баҳсда иштирок этиши даргумон. Бу эса жамоанинг ҳужум салоҳиятини сезиларли даражада пасайтиради.
Шунингдек, ёш иқтидор эгаси Жессе Деррй ҳам жиддий жароҳати туфайли мавсумнинг қолган қисмини ўтказиб юборади. Мураббий Калум МкФарлане футболчининг аҳволи яхшилана бошлаганини, аммо унинг соғлиғи биринчи ўринда туришини таъкидлади.
“Zamin”ни Telegram'да ўқинг!
