Челси вақтинчалик бош мураббийи Калум Макфарлейн Жейми Каррагернинг клубни "синиб бўлган" деб атаган фикрларига кескин муносабат билдирди. Жамоа шанба куни Ливерпул меҳмони бўлади ва кетма-кет олтита мағлубиятдан иборат салбий серияни тўхтатишга уринади. Бу ҳақда Goal.com хабар беради.
Ноттингем Форестга қарши ўйиндаги мағлубиятдан сўнг, Англия Премер-лигасида олти ўйиндан бери очко ололмаётган Челси атрофида турли миш-мишлар кўпайди. Каррагер жамоа ичидаги муҳит бутунлай издан чиққанини таъкидлаган бўлса-да, Макфарлейн бу гапларни рад этди.
"Мен кийиниш хонасида ҳеч қандай жанжал ёки келишмовчиликни кўрмадим. Улар ўз иқтидори ва руҳияти билан юқори даражага чиққан элит футболчилар. Биз шунчаки уларнинг салоҳиятини тўлиқ очиб беришимиз керак", - деди Макфарлейн.
Челси 74 йиллик антирекордни такрорламаслик учун Ливерпулга қарши баҳсда бор кучини ишга солиши керак. Мураббий футболчиларнинг профессионаллигига ишонишини ва мураббийлар штаби жамоани инқироздан олиб чиқиш учун барча чораларни кўраётганини қўшимча қилди.
“Zamin”ни Telegram'да ўқинг!
