Уругвайлик ҳужумчи Дарвин Нунез фаолиятида кутилмаган бурилиш юз берди. Тҳе Миррор нашрининг хабар беришича, 26 ёшли футболчи Саудия Арабистонининг Ал Ҳилал клуби билан шартномани ўзаро келишувга кўра бекор қилган. Эндиликда у ёзги трансфер ойнасида эркин агент сифатида исталган жамоа сафига қўшилиши мумкин. Бу ҳақда Goal.com хабар беради.
Эслатиб ўтамиз, Нунез ўтган йили Ливерпул сафидан 53 миллион евро эвазига Саудия клубига ўтган эди. Бироқ, Ал Ҳилал таркибидаги легионерлар лимитига оид қоидалар ва Карим Бензема жамоага келиб қўшилганидан сўнг, уругвайлик футболчининг ўйин амалиёти кескин камайиб кетди. У қишки трансфер ойнасида клуб қайдномасидан чиқарилганди.
Ҳозирги вақтда Англия Премер-лигасининг Нюкасл Юнайтед ва Челси клублари футболчининг ҳолатини кузатмоқда. Нунезнинг Англияга қайтиш эҳтимоли юқори баҳоланмоқда, чунки у ўзининг аввалги даражасини тиклаб, терма жамоадаги ўрнини сақлаб қолишни мақсад қилган.
Дарвин Нунез Саудия чемпионатида 22 та ўйинда майдонга тушиб, 9 та гол ва 5 та голли узатмага муаллифлик қилган. Бироқ, феврал ойидан буён расмий ўйинларда иштирок этмагани унинг жисмоний ҳолатига таъсир кўрсатиши мумкин. Ҳужумчи яқинлашиб келаётган ёзги мусобақаларда ўзини кўрсатиш учун янги жамоа топишга интилмоқда.
“Zamin”ни Telegram'да ўқинг!
