Барселона юлдузи Ламине Ямал Реал Мадридга қарши кечган Эл-Класикодаги ғалабадан сўнг Жуд Беллингемга қарата кинояли хабар йўллади. Учрашув якунига етмасдан туриб, жароҳати сабаб майдонга туша олмаган 18 ёшли футболчи Instagram саҳифасида ҳисоб кўрсатилган таблодан лавҳа жойлаб, "Гапириш осон" дея изоҳ қолдирди. Бу ҳақда Goal.com хабар беради.
Бу ҳолат ўтган октябрь ойида Беллингҳамнинг Барселона устидан қозонилган 2:1 ҳисобидаги ғалабадан сўнг айнан шу иборани ишлатганига жавоб сифатида баҳоланди. Ўша вақтда инглиз ярим ҳимоячиси бу сўзларни айнан Ямалга қарата айтган деб ҳисобланади.
Учрашув Барселона учун жуда муваффақиятли ўтди. Маркус Рэшфорд 9-дақиқада жарима зарбасидан ҳисобни очган бўлса, Ферран Торрес 20-дақиқага келиб орадаги фарқни иккитага етказди. Ушбу 2:0 ҳисобидаги ғалаба каталонияликларга Ла Лига чемпионлигини муддатидан аввал тақдим этди.
Ҳозирда Барселона пойтахтлик рақибларидан 14 очко олдинда бормоқда ва турнир жадвалида яққол пешқадамлик қилмоқда. Апрел ойидан буён мушакларидаги жароҳат сабаб майдонга туша олмаётган Ламине Ямал мавсумнинг қолган қисмини ўтказиб юбориши аниқ, бироқ унинг Испания терма жамоаси сафида Жаҳон чемпионатига бориши хавф остида эмас.
“Zamin”ни Telegram'да ўқинг!
