Тоттенхем бош мураббийи Роберто Де Зерби Лидс Юнайтед билан 1:1 ҳисобидаги дурангдан сўнг ёш ҳужумчи Матҳйс Телни қўллаб-қувватлади. Учрашувда ажойиб гол урган франциялик футболчи, ўз жарима майдончаси ичида амалга оширган эҳтиётсиз ҳаракати сабабли пеналти белгиланишига сабабчи бўлди. Бу ҳақда Goal.com хабар беради.
Матҳйс Телнинг қайчи услубидаги зарбаси рақиб ҳимоячиси Этҳан Ампадунинг бошига тегди ва VAR текширувидан сўнг пеналти белгиланди. Доминик Калверт-Левин ушбу имкониятдан унумли фойдаланиб, ҳисобни тенглаштирди. Скй Sportс эксперти Жамие Каррагҳер ёш футболчининг бу қарорини кескин танқид қилиб, уни "ақлдан озган қарор" деб атади.
Танқидчилардан фарқли ўлароқ, Роберто Де Зерби ўз шогирдини ҳимоя қилишни танлади. Мураббийнинг сўзларига кўра, ёш футболчи бундай вазиятларда хатога йўл қўйиши табиий ва унга ортиқча босим ўтказиш керак эмас. "Мен уни қучоқлаб, ўпиб қўяман, чунки у ҳали ёш ва катта иқтидор эгаси", — деди италиялик мутахассис.
Тоттенхем учун Англия Премер-лигасида қолиш масаласи тобора мураккаблашмоқда. Жамоа навбатдаги турда Челси меҳмони бўлади. Жамес Маддисоннинг сафга қайтиши жамоа ҳужум чизиғига жон бағишлаши кутилаётган бўлса-да, ҳимоядаги хатоларни бартараф этиш Де Зерби учун асосий вазифа бўлиб қолмоқда.
“Zamin”ни Telegram'да ўқинг!
