Тоттенхемнинг собиқ раиси Даниел Левй клубнинг Англия Премер-лигасидаги оғир аҳволи ва қуйи лигага тушиб кетиш хавфи ҳақида ўз фикрларини билдирди. У 25 йиллик фаолиятидан сўнг, жамоанинг бундай инқирозга юз тутишини тасаввур ҳам қилмаганини таъкидлади. Бу ҳақда Goal.com хабар беради.
Левй 2019-йилда 1 миллиард фунт стерлинг эвазига қурилган замонавий стадион лойиҳаси даврида жамоанинг қуйи лигага тушиб кетиши ҳақидаги фикрлар хаёлига ҳам келмаганини айтди. Ҳозирда 17-ўринда бораётган жамоа учун қолган ўйинлар ҳал қилувчи аҳамиятга эга.
Собиқ раис ўзини бўш ҳис қилаётганини тан олган бўлса-да, Роберто Де Зерби бошчилигидаги жамоанинг Премер-лигада жон сақлаб қолишига умид билдирмоқда. У Уелс шаҳзодаси билан бўлган суҳбатида ҳам жамоанинг келажаги ҳақида қайғураётганини яширмади.
Эслатиб ўтамиз, Тоттенхем 2025-йилнинг май ойида Манчестер Юнайтед устидан ғалаба қозониб, Европа лигаси бош совринини қўлга киритган эди. Бироқ, ички чемпионатдаги натижалар мухлисларни хавотирга солмоқда.
Жамоани хавфли зонадан олиб чиқиш учун Челси ва Эвертонга қарши ўйинларда ижобий натижа қайд этиш талаб этилади. Вест Хем эса хавфли зонадан чиқиш учун Нюкасл ва Лидс билан баҳс олиб боради.
“Zamin”ни Telegram'да ўқинг!
