Реал Мадрид президенти Флорентино Перез жамоанинг жорий мавсумдаги қийинчиликларидан сўнг ёзги трансферлар ойнасида фаол бўлишини маълум қилди. У ўз интервюсида клуб анъанага кўра дунёнинг энг яхши футболчиларини жалб этишда давом этишини таъкидлаб, ўтмишдаги юлдузли трансферларни эсга олди. Бу ҳақда Goal.com хабар беради.
Эрлинг Холанд масаласига тўхталган Перез, бу каби трансфер масалалари спорт бошқаруви вакиллари зиммасида эканлигини айтиб, аниқ изоҳ беришдан тийилди. Шунингдек, у жамоа ичидаги келишмовчиликлар ҳақидаги хабарларни рад этиб, футболчилар ўртасидаги муносабатлар аъло даражада эканлигини қўшимча қилди.
Клубдаги кийим алмаштириш хонасидан маълумотлар сизиб чиқиши бўйича президент айбдор топилганини, аммо исмларни ошкор қилмаслигини билдирди. Мураббийлар штаби, хусусан Хаби Алонсо ва Альваро Арбелоа атрофидаги миш-мишларга изоҳ берар экан, жамоада бошқарув мураббийлар қўлида эканлигини таъкидлади.
Винисиус Жуниор билан шартномани узайтириш масаласига ҳам тўхталган Перез, шошилишга ҳожат йўқлигини ва бразилиялик ҳужумчи клубнинг энг муҳим ўйинчиларидан бири бўлиб қолишини қайд этди. У футболчилар билан шахсий муносабатларга кирмаслигини, жумладан, Килиан Мбаппе билан ҳам фақат саломлашиш билан чекланишини қўшимча қилди.
“Zamin”ни Telegram'да ўқинг!
