Манчестер Сити тарбияланувчиси Фил Фоден жамоа билан янги шартнома имзолаш арафасида турибди. 25 ёшли футболчи мавсумнинг иккинчи қисмида ўйин амалиёти билан боғлиқ қийинчиликларга дуч келганига қарамай, клубда қолишга ва сабр билан ўз имкониятини кутишга қарор қилди. Бу ҳақда Goal.com хабар беради.
Янги келишувга кўра, Фоден 2030-йилгача Этиҳад стадионида қолади ва шартномани яна бир йилга узайтириш имконияти ҳам мавжуд. Бу трансфер миш-мишларига чек қўйиб, футболчининг жамоага бўлган содиқлигини яна бир бор тасдиқлади.
Фоден ўз интервюсида жамоавий ўйинчи эканлигини ва Пеп Гуардиола қўл остида ҳар қандай вазиятда ёрдам беришга тайёрлигини таъкидлади. У мавсум давомида барқарорлик етишмаган бўлса-да, машғулотларда қаттиқ ишлашда давом этаётганини билдирди.
Айни дамда Манчестер Сити Англия Премер-лигаси чемпионлиги учун Арсенал билан кескин кураш олиб бормоқда. Олдинда жамоани Челси билан Англия Кубоги финали ҳамда чемпионатнинг ҳал қилувчи ўйинлари кутиб турибди.
“Zamin”ни Telegram'да ўқинг!
