Челси клуби расман Хаби Алонсони жамоанинг янги бош мураббийи этиб тайинлаганини эълон қилди. Испаниялик мутахассис Лондон клуби билан тўрт йиллик шартнома имзолади ва у ўз вазифасига 2026-йилнинг 1-июльидан киришади. Бу ҳақда Goal.com хабар беради.
44 ёшли Алонсо фаолияти давомида Баер Леверкузен жамоасини Германия чемпиони қилгани билан танилган. Челси раҳбарияти уни жамоада барқарорлик ўрнатиш ва юқори натижаларга эришиш учун энг муносиб номзод деб ҳисобламоқда.
Янги мураббий жамоада нафақат ўйин услуби, балки трансфер сиёсати ва клуб операцияларида ҳам кенг ваколатларга эга бўлади. Унинг асосий мақсади таркибдаги иқтидорли футболчилар, хусусан, Коул Палмер салоҳиятини тўлиқ очиб бериш ва жамоани совринлар учун курашадиган даражага олиб чиқишдир.
Алонсо ўз баёнотида Челси каби буюк клубни бошқариш унинг учун катта шараф эканлигини ва жамоада ғолиблик маданиятини шакллантиришга тайёрлигини таъкидлади. Мутахассис ўзининг машҳур 3-4-2-1 тактик схемасини Лондон клубида ҳам жорий этиши кутилмоқда.
“Zamin”ни Telegram'да ўқинг!
