Микел Артета Арсенал бошқарувида тарихий натижалар сари одимламоқда. Жамоа айни дамда Англия Премер-лигаси ва Чемпионлар лигасида ғолиблик учун кураш олиб бораётгани сабабли, испаниялик мутахассиснинг келажаги Лондон клуби мухлислари учун асосий мавзуга айланди. Бу ҳақда Goal.com хабар беради.
Трансферлар бўйича эксперт Фабрицио Романонинг таъкидлашича, томонлар янги шартнома борасида музокараларни давом эттирмоқда, бироқ якуний қарор мавсум якунига қадар қолдирилган. Ҳозирда клубнинг барча эътибори совринлар учун кечаётган ҳал қилувчи ўйинларга қаратилган.
Арсенал жорий мавсумда ўз тарихида илк бор Чемпионлар лигаси ғолиби бўлишни мақсад қилган. Шунингдек, жамоа 2003-04 йилги мавсумдан буён илк бор Англия чемпионлигини қўлга киритиш учун ажойиб имкониятга эга.
Артетанинг амалдаги шартномаси келаси мавсум охиригача мўлжалланган. Клуб раҳбарияти мавсум якунлангач, унинг маошини оширган ҳолда янги битим имзолашни режалаштирмоқда. Бу қадам мутахассиснинг Европа футболидаги нуфузли мураббийлар қаторида эканлигини тасдиқлайди.
“Zamin”ни Telegram'да ўқинг!
