Арсенал Англия Премер-лигаси чемпионлиги сари яна бир муҳим қадам ташлади. Душанба оқшомида аллақачон қуйи лигага тушиб кетган Бурнлей жамоасига қарши кечган баҳсда Кай Хаверцнинг бурчак зарбасидан сўнг киритган боши билан йўллаган голи «канонирлар»га 1:0 ҳисобидаги ғалабани тақдим этди. Бу ҳақда Goal.com хабар беради.
Учрашув давомида Арсенал устунликка эга бўлишига қарамай, меҳмонлар ҳимояда тартибли ўйин кўрсатишди. Леандро Троссард ва Букайо Сака бир қанча хавфли вазиятларни яратишди, бироқ гол уриш осон кечмади. Иккинчи бўлимда Кай Хаверц рақиб футболчиси Леслей Угочуквуга нисбатан қўпол ўйнагани учун қизил карточка олиши мумкин эди, аммо ҳакамлар уни майдондан четлатмасликка қарор қилишди.
Ушбу ғалабадан сўнг, Арсенал чемпионлик масаласини ҳал қилиш учун Манчестер Ситининг Боурнемоутга қарши ўйинидаги натижасини кутишга мажбур. Агар Манчестер Сити очко йўқотса, Микел Артета шогирдлари муддатидан аввал чемпионликни нишонлашади. Акс ҳолда, тақдир сўнгги турда Кристал Пеласга қарши ўйинда ҳал бўлади.
“Zamin”ни Telegram'да ўқинг!
