Ливерпул ва адидас 2026-27 йилги мавсум учун мўлжалланган янги уй либосини расман тақдим этди. Янги тўплам клубнинг 80-йиллар охиридаги афсонавий даврини ёдга солувчи классик услубда яратилган. Бу ҳақда Goal.com хабар беради.
Дизайн 1989-90 йилги чемпионлик мавсумидаги либосдан илҳомланган. Тўқ қизил рангли асосда геометрик нақшлар акс этган бўлиб, бу деталлар ўша давр футбол маданиятининг ўзига хос энергиясини замонавий кўринишда қайта тиклайди.
Уй либосининг расмий тақдимоти 2026-йил 19-май куни бўлиб ўтди. Унда оқ рангли адидас логотипи ва клуб эмблемаси классик эстетикани янада бойитиб, замонавий ва ихчам кўриниш касб этган.
Сафар либоси ҳақидаги миш-мишларга кўра, адидас бу сафар кўпроқ кўча услубига урғу беради. Унда анъанавий логотип ўрнига афсонавий адидас Трефоил белгиси ишлатилиши ҳамда ёқаси ва енг қисмларида қизил, оқ ва кулранг чизиқлар бўлиши кутилмоқда.
“Zamin”ни Telegram'да ўқинг!
