Германия терма жамоасининг янги юлдузи Леннарт Карл Финляндияга қарши кечган 4:0 ҳисобидаги ғалабадан сўнг ўзининг муваффақият формуласи ҳақида гапириб берди. Ёш иқтидор эгаси майдонда бор кучи билан ҳаракат қилаётганини ва ўйиндан завқ олаётганини таъкидлади. Унинг сўзларига кўра, маҳорат ва тиниmsиз меҳнат бирлашганда натижа ўз-ўзидан кела бошлайди. Бу ҳақда Goal.com хабар беради.
Финляндияга қарши баҳсда Карл ўзини кўрсатишга улгурди: у 34-дақиқада бурчак тўпини аниқ етказиб бериб, Дениз Ундавга голли узатма берди. 57-дақиқада эса яна бир бор Стюттгарт ҳужумчисига ассистентлик қилиб, жамоасининг йирик ғалабасига муносиб ҳисса қўшди. Германия бош мураббийи Юлиан Нагельсманн ёш футболчининг турли позицияларда ўйнай олиш қобилиятини юқори баҳолади.
Маинзда бўлиб ўтган учрашувда 18 ёшли футболчи ўнг қанот ҳужумчиси сифатида майдонга тушди. У Бавария жамоасидаги шериги Джамал Мусиала ва Ливерпул аъзоси Флориан Виртс билан биргаликда ҳужум учлигини ташкил қилди. Жамоа сардори Джошуа Киммич ёш футболчига маслаҳат бериб, у ҳозирги даврдан завқланиши ва майдонда таваккал қилишдан қўрқмаслиги кераклигини айтди.
Леннарт Карл миллий терма жамоа сафидаги илк дақиқаларидан ҳаяжонланганини яширмади. "Чигал ёзди машқлари пайтида баданимда титроқ турди, мадҳия янграганда ва голли узатма берганимда ўзимни жуда бахтли ҳис қилдим", — дея қўшимча қилди у. Мураббийлар штабининг ишончи ёш футболчига қўшимча мотивация бермоқда.
“Zamin”ни Telegram'да ўқинг!
