Роналду «Реал» раҳбариятига нима деганди?

Мадриднинг “Реал” клуби ҳужумчиси Криштиану Роналду “қироллик клуби” раҳбариятига жамоани алмаштириш фикридан қайтганлигини маълум қилди.

Mundo Deportivo нашрининг хабарига кўра, Роналду “Реал” раҳбариятига кетмаслиги ҳақида Португалия терма жамоасининг Конфедерациялар кубоги мусобақаси биринчи туридан сўнг шахсан маълум қилган.

Шунингдек, Роналду “Реал” раҳбариятидан қийин вазиятда қўллаб – қувватламаганлари учун хафа бўлганини ҳам таъкидлаб ўтган.

Эслатиб ўтамиз, Криштиану аввалроқ Испания суди томонидан солиқларни тўламасликда айбланаётганди.

Тахминларга кўра, Роналду АҚШдан қайтиб келгач, солиқ бўйича муаммоларга ечим топилади.

Акмалхон Эшонхонов

Манба: www.uff.uz

Янгиликлар