Элдор Шомуродов Россия Премьер-лигасида дебют қилди ва жамоаси зафар қучди

  • 30 июль 2017, 20:12
  • 3 643
  • Спорт
  • Элдор Шомуродов Россия Премьер-лигасида дебют қилди ва жамоаси зафар қучди
    Ўзбекистон миллий терма жамоаси аъзоси Элдор Шомуродов Россия Премьер-лигасида дебют қилди.

    Чемпионатнинг 3-турида у тўп сурадиган «Ростов» клуби Пермда «Амкар» меҳмони бўлиб, минимал ҳисобда устун келди. Учрашув қайдномасига киритилган Шомуродов 88-дақиқага келиб Владимир Дядюн ўрнига майдонга туширилди.

    Бу «Ростов»нинг мавсумдаги илк ғалабаси бўлди. Леонид Кучук шогирдлари бунга қадар 1 та дуранг ўйнаб, яна 1 та ўйинда мағлуб бўлганди. «Амкар» эса ортда қолган уч турнинг барчасида мағлубият аламини тотиб кўрди.

    «Ростов» навбатдаги турни 4 август куни бошқа бир ўзбекистонлик футболчи — Вадим Афонин тўп сурадиган «Анжи»га қарши сафарда ўтказади.

    Бугун — 30 июль куни ўзбекистонлик футболчилар тўп сураётган яна икки клуб ҳам РПЛ 3-турида майдонга тушади. «Анжи» Москвада «Локомотив» меҳмони бўлса, Вагиз Галиулиннинг «Тосно» жамоаси Питернинг «Зенит» клубини қабул қилади.

    Россия Премьер-лигаси
    3-тур беллашуви
    30 июль, якшанба

    «Амкар» — «Ростов» 0:1

    Гол
    : Александр Зуев, 66 (0:1).

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Элдор Шомуродов Россия Премьер-лигасида дебют қилди ва жамоаси зафар қучди