23:02 / 12.09.2017
5 156

Россиялик боксчилар ўзбек боксчиларидан тажриба ўрганишади

Россиялик боксчилар ўзбек боксчиларидан тажриба ўрганишади
Бокс бўйича Россия терма жамоаси бош мураббийи Эдуард Кравцов россиялик боксчилар 2018 йилда хорижлик спортчилар билан қатор тадбирлар ўтказишини билдирди.

“Келаси йили жаҳон бокси етакчилари — Ўзбекистон, Қозоғистон, Куба, Америка, Ирландия терма жамоалари билан машғулотлар ўтказишни режалаштирганмиз.

Мақсадимиз — тажриба алмашиш. Булар машғулотлар, учрашувлар ва халқаро мусобақалардаги ўзаро учрашувлар бўлади”, дейди Кравцов.

Аввалроқ Россия бокс федерацияси бош котиби Умар Кремлев жаҳон чемпионатида олтин медалларга эга чиқа олмаган Россия терма жамоаси фаолиятини салбий баҳолаганди.

Маълумот учун, Ўзбекистон терма жамоаси Германиянинг Гамбург шаҳрида бўлиб ўтган жаҳон чемпионатида олтита медални қўлга киритиб, умумжамоа ҳисобида 2-ўринни эгаллади.

Манба: qalampir.uz

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Россиялик боксчилар ўзбек боксчиларидан тажриба ўрганишади