Месси кичик ўғлининг туғилган кунини оиласи билан нишонлади (фото)

"Барселона" юлдузи Лионель Месси кичик ўғли Матеонининг туғилган кунини дам олиш кунларида рафиқаси Антонелла Роккуззо ва тўнғич ўғли Тиаго билан биргаликда нишонлади, деб ёзмоқда Championat.asia сайти.

Аргентина терма жамоаси сардори байрам кунида тушилган оилавий расмни ўзининг инстаграм саҳифасига жойлади.

Месси ва унинг оиласи боғда кулган ҳолатда туриб, Матеони икки ёшга тўлгани билан табриклашаётганлиги акс этган.

Мессининг инстаграмдаги саҳифасига жойлаштирган бошқа бир расмда нотаниш одамнинг Микки Маус кийимида эканлиги, атрофида шарлар ва ширинликлар борлиги намоён бўлган.