Футбол бўйича 2022 йил Қатарда ўтиш керак бўлган жаҳон чемпионати мамлакатнинг чегарадош давлатлар билан алоқаси ёмонлиги сабаб Қатардан бошқа мамлакатда ўтказилиши мумкин, деб ёзади Qalampir.uz.
Маълумки, аввалроқ олтита араб мамлакати: Саудия Арабистони, Яман, Мавритания, БАА, Баҳрайн ва Мисрлар Халқаро футбол федерацияси — ФИФАга хат йўллаб, Қатар террористик базага айланганини ва у ерда жаҳон чемпионатини ўтказиш хавфли эканини таъкидлашганди.
Бироқ президент Жанни Инфантино ФИФА бундай хатларни эътиборга олмаслиги ҳамда Қатардаги жаҳон чемпионати қўмитаси ташкилоти билан суҳбатлашганида, бу масала бўйича ҳеч қандай муаммо йўқлиги ҳақида айтиб ўтганди.
Аммо “BBC” нашрининг тарқатган хабарига кўра, Қатар мамлакатидан чиндан ҳам жаҳон чемпионатини ўтказиш ҳуқуқи олиб қўйилиши эҳтимоли юқори.
Қатар шу кунга қадар қўшни мамлакатлар билан ўртадаги алоқани қайта тиклаш масаласини ҳал этмаган. ЖЧнинг олиб қўйилишига Қатарнинг қўшни мамлакатлар билан сиёсий рақобатларга чек қўймагани асосий сабаб бўлиши мумкин.
Маълумот учун, ЖЧ–2022 мусобақаси Қатарда 2022 йил 21 ноябрдан 18 декабрь кунига қадар бўлиб ўтиши режалаштирилган. Мундиаль Қатарнинг Доҳа, Лусайл, Аль-Вакра, Аль-Ҳор, Аль-Раян, Умм-Салал ва Мадинат-аш-Шамол каби шаҳарларида қад ростлаган стадионларда ўтказилиши ҳам режа остига киритиб қўйилган.
Эслатиб ўтамиз, Қатар ҳукумати жорий йилнинг август ойида Саудия Арабистони самолётларини Доҳа аэропортига қўнишига рухсат бермаган бўлиб, ушбу самолётлар қатарлик мусулмонларнинг Ҳаж амалларини ўташи учун Макка шаҳрига олиб бориши мўлжалланганди.
Ҳатто Saudia авикомпанияси бош директорининг маълум қилишича, гарчи Қатар томонига зарур ҳужжатлар юборилган бўлсада, Доҳа аэропорти ушбу рейсни амалга оширишга рухсат бермаган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Эрдўғон Туркия Исроил билан алоқаларини узганини маълум қилди
Боррел ЕИнинг Исроил билан мулоқотини тўхтатишни таклиф қилди
Рақобат қўмитаси биржада Аи-80 бензини бошланғич нархига чеклов ўрнатди
Олимпиада ғолибларини тайёрлаган тошкентлик ўқитувчи 1 миллиард сўм мукофот пули олди
Исроил ҲАМАС ва “Ҳизбуллоҳ” ракеталарини лазер қуроли билан уриб туширмоқчи. У қандай ишлайди?
