Бугун футбол. «Насаф» – «Локомотив»

Бугун “Марказий” стадионда катта футбол. Ўзбекистон Кубоги ярим финали жавоб учрашувида “Насаф” ва “Локомотив” жамоалари ўзаро баҳслашади.

Учрашув соат 18:00да бошланади.
Қуйида бугунги учрашувнинг расмийлари билан танишинг.

Ўзбекистон Кубоги-2017. Ярим финал жавоб учрашуви
“Насаф” (Қарши) – “Локомотив” (Тошкент)

07.10.2017. “Марказий” стадион. 18:00

Бош ҳакам: Владислав Цейтлин (Тошкент)
Қанот ҳакамлари: Тимур Галеев (Тошкент), Акбар Пўлатов (Тошкент)
Захира ҳаками: Исхах Ибрагимов (Нукус)
Назоратчи: Александр Попов (Тошкент)

Дастлабки учрашув – 1:3.

Бу йилги Ўзбекистон Кубоги ярим финалида мазкур жамоалар иккинчи марта туқнаш келишмоқда.

2015 йили ҳам “Насаф” ярим финалда “Локомотив” билан туқнаш келган ва жамоамиз “темирйўлчилар”ни (2:0, 0:1) ҳисобида мағлуб этиб финалга йўл олган эди.

Хабарингиз бор, ушбу жамоалар ўртасидаги ярим финалнинг дастлабки учрашуви 2 август куни Тошкентда бўлиб ўтган. Унда жамоамиз 3:1 ҳисобида мағлубиятга учраган эди.

Учрашувдаги голларни Марат Бикмаев (2), Мурод Бобожонов ва Драган Черанлар киритишган.

Учрашувдаги жамоамиз томонидан киритилган ягона гол бизни финалга йўл олишимизга ишонч бағишлаб турибди.

Финал йўлланмасини қўлга киритиш учун “Насаф” бугун гол ўтказиб юбормасдан, “Локомотив” жамоаси дарвозасини камида икки марта ишғол қилиши керак. Ишонамизки, “аждарлар” бу вазифани уддалашади.

Бугунги учрашув натижаси қандай бўлмасин, қизиқарли ва муросасиз курашларга бой бўлишини бемалол тахмин қилсак бўлади. Бундан албатта “Марказий”га ташриф буюрган мухлислар ютишади.

Шундай экан қизиқарли учрашувни ўтказиб юборманг. “Марказий”га марҳамат қилинг!

Манба: www.fcnasaf.uz “Замин” янгиликларини “Twitter”да кузатиб боринг