Бокс бўйича Ўзбекистон чемпионатида кичик сенсация юз берди

  • Спорт
  • 30-11-2017, 10:34
  • 709
  • Бокс бўйича Ўзбекистон чемпионатида кичик сенсация юз берди
    Термиз шаҳрида давом этаётган катталар ўртасидаги бокс бўйича Ўзбекистон чемпионатида ярим финал жанглари бўлиб ўтмоқда.

    Кеча, 29 ноябрь кун дастлабки жангида 49 кг.гача бўлган вазн тоифаси вакиллари Нодиржон Мирзааҳмедов ва Худойназар Файзов рингга кўтарилишди.

    Тошкент шаҳри вакили бўлган Нодиржон Мирзааҳмедов ўзининг “Uzbek Tigers” жамоаси сафидаги жанглари билан мухлисларга яхши таниш ҳисобланади.

    Мазкур ярим финал жангида ҳам аксарият бокс мухлислари Мирзааҳмедовнинг ғалабасини кутишган эди.

    Бироқ, Тошкент вилояти вакиллари бўлган Худойназар Файзов рингда ажойиб ҳаракатлари билан “Алпомиш” спорт мажмуасига ташриф буюрган мухлисларнинг олқишларига сазовор бўлди.

    Ҳакамлар уч раунд якунига кўра айнан Файзовнинг ғалабасини қайд этишди.

    Бугун, 30 ноябрь куни финал жанглари ўтказилади ва биз бу жанглар натижаларини эътиборингизга ҳавола этамиз.