АПЛ. Мавсумнинг энг шиддатли ўйинида «МЮ» «Арсенал»ни енгди (Видео)

Англия Премьер-лигасининг 15-турида «Арсенал» ва «Манчестер Юнайтед» клублари беллашди.

Ўйиннинг тақдири дастлабки 10 дақиқа ичида ҳал бўлди. «Арсенал» ҳимоячиларининг қўпол хатосидан сўнг, Валенсия ва Лингард ёрдами билан «МЮ» иккита гол уришга эришди.

Шундан сўнг, «Арсенал» ташаббусни қўлга олиб, катта куч билан ҳужум уюштирди. Бироқ, дарвозабон Де Хеа жуда кўп вазиятларда жамоасини қутқариб қолди.

Иккинчи бўлим бошида, Ляказетт ҳисобни қисқартирди. Бироқ, 63-дақиқада «Ареснал» қарши ҳужумни ўтказиб юборди ва Лингард яна бир марта мезбонларни хафа қилди.

74-дақиқада Бельеринга нисбатан қўполлиги учун Поль Погба майдондан четлатилди. Ўйин охирига қадар, «Арсенал» катта куч билан ҳужум уюштирган бўлса-да, «МЮ» керакли ҳисобни ушлаб қолишга эришди.

Бу натижадан сўнг, «МЮ» 35 очко тўплаб, чемпионат жадвалида 2-ўринда боряпти. «Арсенал» 28 очко билан 5-ўринда қолди.

АПЛ, 15-тур
Арсенал – Манчестер Юнайтед - 1:3 (0:2, 1:1)
Голлар: 0:1 – 4 Валенсия, 0:2 – 11 Лингард, 1:2 – 49 Ляказетт, 1:3 – 63 Лингард.

Арсенал – Чех, Мустафи (Ивоби, 15), Монреаль, Колашинац (Жиру, 76), Косельни, Ўзил, Рэмзи, Санчес, Чака (Уэлбек, 70), Бельерин, Ляказетт.
Манчестер Юнайтед – Де Хеа, Смоллинг, Рохо, Валенсия, Линделеф, Погба, Янг, Матич, Лингард (Дармиан, 76), Марсиал (Эррера, 67), Лукаку.
Огоҳлантиришлар: Рохо (58), Бельерин (72), Косельни (87), Санчес (89), Эррера (89)
Четлатиш: Погба (74).
[media=https://youtu.be/psFRVLXSz54] “Замин” янгиликларини “Инстаграм”да кузатиб боринг