22:19 / 20.12.2017
4 855

“Реал” Мадрид мутахассиси Кико Зунига Ўзбекистонга етиб келди

“Реал” Мадрид мутахассиси Кико Зунига Ўзбекистонга етиб келди
Аввалроқ, Ўзбекистонда болалар футболини ривожлантириш, ҳудудларда болалар ва ўсмирлар орасида футболни янада оммалаштириш борасида вилоятлар тўртта ҳудудга бўлинган ҳолда, ҳар бир ҳудуд учун бир нафардан хорижлик мутахассис жалб қилиниши ҳақида хабар бериб ўтгандик.

Айнан мана шу мақсадда, сербиялик 56 ёшли мутахассис Завиша Милосавлевич айни пайтда Ўзбекистонда бўлиб турибди.

Шунингдек, бугун, 20 декабрь куни болалар футболи бўйича яна бир мутахассис, “Реал Мадрид” академиясида фаолият юритувчи испаниялик Кико Зунига ҳам Тошкентга етиб келди.

Кико Зунига ЎФФ президенти Умид Аҳмаджонов билан учрашиб, Ўзбекистонда болалар футболини ривожлантириш бўйича ўзининг дастурини тақдим этди.

ЎФФ раҳбарияти томонидан бу дастур ўрганиб чиқилиб, маъқул деб топилса, Кико Зунига билан ҳам шартнома имзоланади.

Испаниялик мутахассис ҳудудлардаги болалар футболи мураббийлари билан учрашиш, у ердаги ҳолатни ўрганиш мақсадида, Қашқадарё ва Самарқанд вилоятларига ташриф буюриши режалаштирилган.

Сербиялик мутахассис Завиша Милосавлевич эса Андижон, Наманган ва Фарғона вилоятларида иш бошлаши кутилмоқда.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » “Реал” Мадрид мутахассиси Кико Зунига Ўзбекистонга етиб келди