Осиё Чемпионати U23. Чорак финалда Ўзбекистонга Япония дуч келгани яхшими ёки КХДР?

  • 16-01-2018, 11:14
  • 1 709
  • Спорт
  • Осиё Чемпионати U23. Чорак финалда Ўзбекистонга Япония дуч келгани яхшими ёки КХДР?
    23 ёшгача бўлган футболчилар ўртасидаги Осиё Чемпионатида чорак финалга йўл олган Ўзбекистон термаси навбатдаги рақибини бугун — 16 январь куни билиб олади.

    Регламентга кўра, ўзбекистонлик футболчилар ярим финал йўлида «B» гуруҳини пешқадам сифатида якунлаган термага қарши саф тортиши керак. Айни вақтда бу зонада япониялик футболчилар 6 очко билан пешқадам бўлиб турибди. 2-ўринда бораётган КХДР ҳисобида эса 4 очко мавжуд.

    Тошкент вақти билан 13:00 да икки принципиал рақиб — КХДР ва Япония ўзаро майдонга чиқади. Мазкур беллашув Равшан Ҳайдаров бошқарувидаги жамоанинг бўлажак рақиби номига ойдинлик киритиб бериши билан ҳам аҳамиятлидир.

    Мусобақани Қатардан учралган мағлубият билан бошлаб, кейинги икки ўйинда зафар қучган Ўзбекистон термасининг чорак финалдаги ўйини 19 январь куни бўлиб ўтади.

    » » Осиё Чемпионати U23. Чорак финалда Ўзбекистонга Япония дуч келгани яхшими ёки КХДР?