13:20 / 29.01.2018
4 203

«Барселона» навбатдаги рекорд сари кетмоқда

«Барселона» навбатдаги рекорд сари кетмоқда
Испания чемпионатининг 21-турида «Алавес» устидан иродали ғалабага эришган «Барселона» мағлубиятсиз сериясини давом эттирди. Ўйиннинг 23-дақиқасида Йон Гвидеттининг аниқ зарбасидан кейин меҳмонлар олдинга чиқишганди. Иккинчи бўлимда каталонияликлар Луис Суарес (72-дақиқа) ва Лионель Месси (84) урган голлар эвазига ғалабага эришди.

Шу тариқа, каталонияликлар Примеранинг жорий мавсумида мағлубиятсиз сериясини 21 ўйинга етказишди. Бу жамоа ўз рекордини такрорлаши бўлди. Бу рекорд 2009/10 йилги мавсумда Хосеп Гвардиола бошқарувидаги жамоа томонидан ўрнатилганди.

Кейинги турда «Барселона» «Эспаньол» меҳмони бўлишади. Вальверде жамоаси Каталония дербисида ғалабага эришса, рекорд янгиланади.

Айни вақтда «Барселона» Испания чемпионатида 57 очко билан якка пешқадам бўлиб турибди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » «Барселона» навбатдаги рекорд сари кетмоқда