Сардор Рашидовга Франция клуби қизиқиш билдирмоқда

Ҳамюртимиз Сардор Рашидовнинг БААнинг "Ал-Жазира" клубидаги ҳолати қониқарли эмас. Футболчи клуб таркибида кам кўриниш бермоқда. Шу сабабдан Сардор Рашидов жамоасини ўзгартириши мумкин.

Бизга келган маълумотларга қараганда, Франциянинг "Ренн" жамоаси ҳамюртимиз хизматларига қизиқиш билдирмоқда. Бу клубни Сабри Лямуши бошқариб боради. Рашидов учун Лямуши бегона эмас. Улар Қатарнинг "Ал-Жаиш" жамоасида бирга ишлашган.