Хитойда бўлиб ўтган Осиё чемпионатида ғалаба қозониб, бутун ўзбек халқига ҳақиқий байрам туҳфа этган Ўзбекистон Олимпия терма жамоасининг олдида яна бир жиддий вазифа турибди.
Шу йилнинг август ойида Индонезияда бўлиб ўтадиган Осиё ўйинларида айнан Хитойда чемпионликка эришган футболчилар иштирок этишади. Бўлғуси мусобақага тайёргарлик кўриш учун Ўзбекистон Олимпия терма жамоаси кучли жамоалар билан ўртоқлик ўйинлари ўтказишни режалаштирган.
Жумладан, шу йилнинг март ойида Саудия Арабистони терма жамоаси билан Ўзбекистонда иккита ўртоқлик ўйинлари ўтказиш бўйича келишувга эришилди.
Хабарингиз бўлса, Ўзбекистон футбол Ассоциацияси 1-вице президенти Умид Аҳмаджонов Фарғонага уюштирган сафари чоғида водийда халқаро ўртоқлик ўйинлари ўтказиш ва бу ердаги футбол мухлислари учун ҳақиқий байрам ташкил этиш бўйича ваъда бериб ўтганди.
Ана шу ваъдага мувофиқ, Саудия Арабистонига қарши дастлабки ўртоқлик ўйини 21 март куни Фарғонада бўлиб ўтади. Орадан 4 кун ўтиб 25 март куни Ўзбекистон Олимпия терма жамоаси Андижонда Саудия Арабистонига қарши баҳс олиб боради. Бу ўртоқлик ўйинлари водийдаги футбол мухлислари учун Наврўз байрамига ҳақиқий туҳфа бўлиши аниқ.
Мазкур ўйинлар орқали Равшан Ҳайдаров бошчилигидаги терма жамоа Осиё ўйинларига тайёргарлик олиб боради.
Манба: www.the-uff.com “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Айрим бошқарув сервис компаниялари шартномаларида асоссиз шартлар белгилангани аниқланди
Кремль Украина бўйича музокарада шартлар қўйишга уринмоқда
Пашинян Арманистоннинг Мустақиллик декларацияни энг катта муаммо ва фожиа деб атади
Жо Байден: “Баъзан хотиним мени космосга жўнатиш билан таҳдид қилади”
Ҳар қандай катта ёшдаги киши етук эмас
Шольц ва Путин ўртасидаги суҳбат Киевга сигнал бўлди
Блинкен Исроилдан учта муаммони ҳал этишни талаб қилди
Россиялик депутат: «Олий маълумотлиларнинг курерлик қилиши — ватанпарварликка зид»
