Бутунжаҳон бокс суперсериясининг (WBSS) яримфиналида россиялик Мурат Гассиевга ютқазиб қўйган кубалик боксчи Юниер Дортикос жангдан кейинги матбуот анжуман вақтида мағлубиятга учраганидан хўрлиги келиб йиғлаб юборди.
4 февралга ўтар кечаси Сочида биринчи оғир вазнда IBF ва WBA чемпионлик камарлари учун кечган жангда Гассиев Дортикосни жангнинг охирги 12-раундида нокаутга учрата олди.
Шу тариқа Гассиев суперсериянинг финалига чиқа олди ва энди якуний босқичда 11 май куни Саудия Арабистонида WBC ва WBO версиялари бўйича жаҳон чемпиони, украиналик Александр Усик билан жанг қилади.
“Мен жуда хафаман, мен ютишни истагандим, бироқ бунинг уддасидан чиқа олмадим. Мен Майами, Куба ва бу ердаги кўпчиликни ранжитганимни ҳис қилмоқдаман”, деб зўрға гапирган Дортикос. Матбуот анжуманда иштирок этган Гассиев шундан кейин ўрнидан туриб, Дортикосга далда берган.
31 ёшли кубалик учун бу мағлубият фаолиятидаги 22 та ғалабадан кейин биринчи мағлубият бўлди. 24 ёшли Гассиев эса бирор марта ютқазмаган ҳолда, 26-ғалабасини қўлга киритди.
Гассиев матбуот анжумандан кейин Дортикосга ачиниб, унинг ечиниш хонасига келиб, ўзининг IBF камарига қўшимча равишда қўлга киритган WBA камарини кубаликка қайтариб берган.
“Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россиялик депутат: «Олий маълумотлиларнинг курерлик қилиши — ватанпарварликка зид»
Жо Байден: “Баъзан хотиним мени космосга жўнатиш билан таҳдид қилади”
Блинкен Исроилдан учта муаммони ҳал этишни талаб қилди
Apple донгдор икки айфонини расман эскирган деб эълон қилди
Яхши пишган ва мазали анор танлашга ёрдам берадиган тавсиялар
Кремль Украина бўйича музокарада шартлар қўйишга уринмоқда
Пашинян Арманистоннинг Мустақиллик декларацияни энг катта муаммо ва фожиа деб атади
Ҳар қандай катта ёшдаги киши етук эмас
