Ўзбекистон олимпия терма жамоаси бош мураббийи Равшан Ҳайдаров йиғин ҳақида «Сhampionat.asia» нашрига ўз фикрларини билдириб ўтди.
"Кения билан ўйинга тайёргарликни бошладик. Бу йиғиндан мақсад иккита: 18 августдан 2 сентябрга қадар Индонезия мамлакатида бўлиб ўтадиган Осиё ўйинларига тайёргарлик ҳамда олимпия ёшидаги футболчиларни жалб қилиб ўртоқлик учрашувларида ўйинни шакллантириш. Йиғинга чақирилган деярли барча футболчилар соғ-саломат қўл остимизга келиб қўшилди. Фақат Достон Ибрагимов клубида жароҳат олгани учун бу йиғинни ўтказиб юборадиган бўлди. Аббос Отахонов ҳам кичик жароҳати бор экан, шу боис индивидуал тарзда шуғулланди. Ўйлайманки, у Кения билан ўйинларда бизга ёрдам бера олади", - дейди Ҳайдаров.
- Осиё ўйинларида 1995 эмас 1993 йилдан кейин туғилган футболчилар иштирок этиши мумкинлиги ҳақида миш-мишлар тарқалди. Бу қанчалик рост?
- Йўқ, йўқ. Бу миш-миш. Индонезиядаги Осиё ўйинларига 1995 ва ундан кейин туғилган ўйинчилар боради. Таркибда 3 нафар ёши катта ўйинчи ҳам бўлиши мумкин.
- Демак, 1994 йилда туғилган Азизбек Турғунбоев айнан мана шу ёши катта футболчилардан бўлиши мумкин?
- Ҳа, мумкин. У ўз клубидаги ўйинлари орқали эътиборимизга тушди. Турғунбоевдан ташқари кенгайтирилган рўйхатимизда яна ёши катта футболчилар бор. Бу жамоамизга қўшилиб кета оладиган ўйинчиларни Осиё ўйинларига олиб борамиз.
- Достонбек Ҳамдамовнинг ҳолати қандай?
- Яхши. Ўзига келди. Унда мана шу трансфер туфайли бироз зўриқиш бўлганми билмайман ҳолати яхши эмас эди. Барча масала ҳал бўлгач, ишлари тўғри бўлгач ўзига келди. "Анжи"да битта ўйин ўтказишга ҳам улгурди. Айни пайтда унинг руҳий ва жисмоний ҳолати яхши даражада. Энди ундан талаб қилинадигани майдонга тушиб футбол ўйнаш.
- Кения билан ўйинлар Андижон ва Фарғонада бўлади. Бунга муносабатингиз қандай?
- Албатта ижобий. Водийда футболни қанчалик севишларини жуда яхши биламиз. Вилоятларда ўйин ўтказиш тажрибамизда бор. Ёдингизда бўлса 2015 йилда ҳам Фарғонада Янги Зеландия ёшлар терма жамоасига қарши ўртоқлик учрашуви ўтказгандик. Ўшанда мухлислар терма жамоамизни ажойиб тарзда қўллаб-қувватлаб туришганди. Шу боис Кения билан ўйинлар футбол байрамига айланиб кетади деб ўйлайман. Барча мухлисларни стадионга чорлайман.
- Миллий терма жамоамизда ҳам бир қанча шогирдларингиз бор...
- Ҳақиқатдан ҳам, миллий жамоага олимпия терма жамоасидан 6 нафар футболчи жалб этилди. Миллий терма жамоамиз янги мураббийлар штаби, кўплаб янги футболчилар билан Африкага учиб кетди. Сенегал ва Марокаш жиддий рақиблар, улар бежизга Жаҳон чемпионатига чиқишмаган. Бироқ терма жамоамизга ишонамиз ва улар кучли рақибларга қарши муносиб ўйин кўрсатишларига тилакдошмиз. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
Рашида Толиб Конгресс аъзоларига «аччиқ ҳақиқат»нинг суратини кўрсатди
Ким Чен Ин ҳарбийларни жанговар ҳолатда туришга чақирди
Эрон АҚШдан 1 трлн доллар компенсация талаб қилди
Шимолий Корея Россияга узоққа зарба берувчи қуроллар юборди
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Хатолар ва мағлубиятлар... улар кечириладими?
Омега-3 қандай қилиб озишга ёрдам беради?
