Бугун Ўзбекистон ОТЖ Фарғонада Кенияга қарши иккинчи ўртоқлик ўйинини ўтказади

  • 26-03-2018, 12:53
  • 1 267
  • Спорт
  • Бугун Ўзбекистон ОТЖ Фарғонада Кенияга қарши иккинчи ўртоқлик ўйинини ўтказади
    Бугун Фарғонада Ўзбекистон олимпия терма жамоаси Кения олимпия терма жамоасига қарши иккинчи ўртоқлик ўйинини ўтказади.

    Дастлабки ўртоқлик ўйинида Равшан Ҳайдаров шогирдлари 2:1 ҳисобида мағлубиятга учрашганди. Бугунги ўйинда олимпиячиларимиз ана ўша мағлубият учун реванш олишга ҳаракат қилишади.

    Умуман олганда, бу каби ўртоқлик ўйинлари Олимпия терма жамоамиз учун катта мусобақа олдидан муҳим синов вазифасини ўтаб бериши учун ташкиллаштирилаётганини ҳам таъкидлаб ўтиш зарур.

    Шу йилнинг август ойида Индонезияда Осиё ўйинлари бўлиб ўтади. Равшан Ҳайдаров жамоаси олдига мазкур мусобақада муваффақиятли иштирок этиш вазифаси қўйилган. Бундан ташқари, Токио – 2020 Олимпиадасига йўлланма олиш ҳам олимпия терма жамоамиз олдидаги асосий вазифа ҳисобланади.

    Эслатиб ўтамиз, Ўзбекистон ОТЖ – Кения ОТЖ ўйини Фарғонадаги “Истиқлол” стадионида соат 20:00да бошланади.

    » » Бугун Ўзбекистон ОТЖ Фарғонада Кенияга қарши иккинчи ўртоқлик ўйинини ўтказади