00:24 / 27.03.2018
2 430

Умид Аҳмаджонов БАА футбол ассоциацияси Бош котиби билан учрашди

Умид Аҳмаджонов БАА футбол ассоциацияси Бош котиби билан учрашди
Ўзбекистон миллий олимпия қўмитаси раиси ва Ўзбекистон футбол ассоциацияси раисининг биринчи ўринбосари Умид Аҳмаджонов Дубай шаҳрида БАА футбол ассоциацияси Бош котиби Муҳаммад Ҳаззам Ал-Даҳерий билан учрашди дея хабар бермоқда Ўзбекистон миллий олимпия қўмитаси.

Учрашув давомида 2019 йил БААда бўлиб ўтадиган Осиё Кубоги мусобақасининг ташкилий масалалари муҳокама қилинди ҳамда ушбу мусобақага Ўзбекистондан волонтёрлар – кўнгиллиларни юбориб, бундай йирик мусобақаларни ташкил этиш ва ўтказиш тажрибасини ўрганиш масаласи кўриб чиқилди.

Бундан ташқари, Ўзбекистон ва БАА футбол ассоциациялари ўртасида имзоланган меморандум асосида ҳар икки мамлакат терма жамоалари ўртасида ўзаро ўртоқлик ўйинлари ташкил этиш, алмашув асосида ҳакамларни Кубок финаллари ва ўртоқлик ўйинларига жалб қилиш бўйича ҳам суҳбат олиб борилди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)