Суперлига 7-тур доирасида "Локомотив" - "Сўғдиёна" (2:0) жамоалари ўртасидаги учрашувдан кейинги матбуот анжуманида мезбонлар устози Андрей Фёдоров ва жамоанинг учрашувдаги энг яхши футболчиси Сардор Рашидов қатнашди.
"Ҳозирча жамоанинг бош мураббийлик вазифасини вақтинчалик бажаряпман. Кейинги вақт давомида мен ўз иқтидоримни намойиш этишим керак. Бу масъулиятда ишлаш жуда қийин. Олдинги ишлаган жойим билан бу ерни солиштирадиган бўлсак, у ерда умуман бошқача футбол бўларди, футболчилар ҳам бошқа эди, вазифаларнинг даражасида ҳам фарқ бўлди. "Локомотив"да эса вазифаларни бажаришди янада қаттиқроқ ишлашим керак. Бугунги учрашувга йигитларни руҳий жиҳатдан қаттиқ тайёрлагандик. Сабаби "Локомотив" сўнгги учрашувларда ғалаба қозона олмаётганди, бироқ ўша баҳсларда ёмон ҳаракат қилмагандик. Ўша ўйинларда ғалаба қозона олмаганимиз туфайли йигитларнинг психологиясида негатив жиҳатлар кўпайиб кетди. Биз ўйингача мана шу негативликни йўқотишга ҳаракат қилдик. Шукурки, футболчилар бизни эшитишди ва муҳим уч очкони қўлга киритишди.
"Локомотив"нинг айни дамдаги таркиби бир неча йиллардан буён бирга ўйнаб келди ва бир механизмга айланди. Ҳар бир футболчи механизмнинг бир қисми. Янги футболчилар эса механизмга кириши кета олмаяпти. Вақти келиб, ёш футболчилар ҳам, Шерзод Каримов, Чо Сук Жаэ, Фарҳод Бекмуродов ҳам ўйинларда қатнашишади. Биз ҳеч қайси футболчини унутмаймиз.
Қайсидир ўйинда Садриддин Абдуллаев кичик жароҳат олганди. У "Зоб Ахон"га қарши ўйингача машғулотларда иштирок этмади. Унда кичик жароҳат бор. Сардоримиз жароҳатидан тикланмоқда. Уни кейинги ўйинларга тайёрлаяпмиз.
Бундан буён "Локомотив"нинг натижаларига мен жавоб бераман. Асосий таркибни аниқлашда ҳам, ўзгартиришларда ҳам мен қарор чиқараман. Бироқ ёрдамчиларнинг ҳам фикрини эшитаман. Аммо айтганимдек натижага мен жавоб бераман"
Сардор Рашидов: "Сўғдиёна" бизга қарши яхши ўйин кўрсатди. Жамоа яхши ҳаракат қилди ва қийин ўйин бўлди. Аммо биз рақибдан устунлигимизни кўрсата олдик ва ғалабага эришдик"
Манба: championat.asia “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
“Толибон” Эроннинг Исроилга қарши ҳужумини қўллаб-қувватлади
Бухоро вилоятида «Нексия-3» автомашинаси букланиб қолди
Давлат хавфсизлик хизмати маклерларга қўшиб мансабдорларни ҳам қўлга олди
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Сирдарёда бюджетга жуда кўп миқдорда зарар етказган майнинг ферма аниқланди
Ўзбекистон ТИВ Яқин Шарқдаги вазият бўйича баёнот берди
