«Қўқон-1912» — «Қизилқум» ўйини бош ҳаками Суперлига ўйинларидан четлаштирилди

Футбол бўйича Ўзбекистон Pepsi Суперлигасининг 13-тури доирасида «Қўқон-1912» —«Қизилқум» учрашувига бош ҳакамлик қилган Акобирхўжа Шукуруллаев ўйин вақтида йўл қўйган хатолари сабаб номаълум муддатга четлаштирилди. Бу ҳақда ПФЛ расмий сайтида хабар берилди.

ЎФА Ҳакамлар ва назоратчилар бошқармаси ушбу ҳолатни ўрганиб чиқди ва бош ҳакам Акобирхўжа Шукуруллаевни Pepsi Суперлига ўйинларидан четлатишга қарор қилди. Шукуруллаевга ҳакамлик тажрибасини орттириш, Pepsi Суперли талабига жавоб беришга лойиқ кўрилгунга қадар Про-Лигада фаолиятини давом эттириш имконияти берилди, дейилади ПФЛ хабарида.