09:02 / 16.06.2018
3 375

Россияда ўйин натижаларини аниқ башорат қилувчи мушук пайдо бўлди

Россияда ўйин натижаларини аниқ башорат қилувчи мушук пайдо бўлди
Россиянинг Санкт-Петербург шаҳридаги Эрмитаж давлат музейида яшовчи Ахилл лақабли мушукдан жаҳон чемпионати ўйинларини башорат қилишда фойдаланилмоқда.

Қизиғи шундаки, жонивор қаторасига иккита ўйиннинг ғолибини аниқ «топишга» муваффақ бўлган.

Ҳар бир ўйиндан олдин, мушукнинг олдига иккита товоқда овқат қўйилади. Уларга баҳсда иштирок этувчи жамоаларнинг байроқчалари бириктирилган. Мушук қайси товоқдан биринчи бўлиб овқат еса, ўйин ғолиби шу жамоа бўлиши тахмин қилинади.

Ахилл шу пайтгача иккита ўйинда башоратчилик қилди. Хусусан, у Россия - Саудия Арабистони (5:0) ва Марокаш - Эрон (0:1) ўйинларининг ғолибини аниқ «топишга» муваффақ бўлган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)