Лукаку жаҳон чемпионатида Марадонанинг кўрсаткичини такрорлади

Бельгия терма жамоаси ҳужумчиси Ромелу Лукаку ЖЧ-2018 гуруҳ босқичи 2-туридан ўрин олган баҳсда Тунис дарвозасига иккита тўп йўллади.

Ҳужумчи икки голини ҳам биринчи бўлимда киритди. Бу билан Лукаку кетма-кет иккинчи ўйинда дубль қайд этишга эришди.

Сўнгги бор ушбу кўрсаткични Диего Марадона қайд этганди. Афсонавий футболчи ЖЧ-1986 мусобақасида кетма-кет икки ўйинда дубль қайд эта олганди.

Лукаку ушбу турнирдаги голлари сонини тўрттага етказиб олди ва Португалия ҳужумчиси Криштиану Роналду билан тўпурарлар рўйхатини бошқариб турибди.