09:27 / 06.08.2018
2 422

Блаттер: "Қатар ЖЧ-2022 мезбонлигини фирибгарлик билан қўлга киритган"

Блаттер: "Қатар ЖЧ-2022 мезбонлигини фирибгарлик билан қўлга киритган"
ФИФАнинг собиқ президенти Йозеф Блаттер маълум қилдики, 2022 йилги жаҳон чемпионати мезбонини аниқлаш бўйича ижро қўмитаси унинг Қатар турнирга меҳмонлик қилишга лаёқатли эмаслиги ҳақидаги тавсияларини эътиборсиз қолдирганди.

Айни вақтда 82 ёшда бўлган швейцариялик собиқ амалдорнинг айтишича, Қатарнинг ғалабаси қонунга қарши келишувлар ва ижроий қўмита аъзоси Мишел Платинига ўтказилган сиёсий босимлар натижасидир.

2015 йилда коррупцион можаро туфайли футболдан умрбод четлатилган Йозеф Блаттер ўзининг Ma Vérité (Менинг ҳақиқатим) номли китобида ижроий қўмита аъзолари мундиал мезбонлигига даъвогар мамлакатларнинг ҳисоботларини очиб ўқимагани, чунки улар кимга овоз беришлари кераклиги олдиндан маълум бўлгани ҳақида ёзади.

«Агар биз бу ҳисоботларни синчиклаб ўргансак, жаҳон чемпионати Қатарда ўтказилмаслиги кераклигини биламиз.

Мен Қатарнинг Франция авиациясига миллиардлаб евро киритиши ва «ПСЖ» клуби сотиб олиниши билан ЖЧ-2022 мезбонлиги қўлга киритилиши ўртасида боғлиқлик борми, йўқми, ундан кейин нима бўлган, буни билмайман ва билишни ҳам истамайман», – дея ёзади Блаттер ўз китобида.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Блаттер: "Қатар ЖЧ-2022 мезбонлигини фирибгарлик билан қўлга киритган"