Месси Роналдиньога футболка совға қилди

"Барселона" жамоаси ҳужумчиси Лионель Месси клуб телеканалининг рождество байрами муносабати билан эфирга узатилаётган кўрсатувларининг бирида ўзининг собиқ жамоадоши Роналдиньога футболка совға қилди.

Эслатиб ўтамиз, бразилиялик футболчи 2003 - 2008 йиллар давомида "Барса" таркибида тўп сурган.

35 ёшли Роналдиньо Месси дасхати туширилган совғани қабул қилиб олганини тасдиқлади ва дўстига миннатдорчилик билдирди.