Жалолиддин Машарипов: "Идишни ҳакамга қараб отмаган эдим"

  • 10-10-2018, 21:30
  • 821
  • Спорт
  • Жалолиддин Машарипов: "Идишни ҳакамга қараб отмаган эдим"
    Ўзбекистон терма жамоаси ва "Пахтакор" клуби ярим ҳимоячиси Жалолиддин Машарипов ОФК томонидан дисквалификация қилингани ҳақида хабар чиқди.
    Champioant.asaia сайти футболчи билан боғланиб унинг фикрлари билан қизиқди.

    - Бугун терма жамоанинг ўртоқлик ўйинларидан 6 ойга дисквалификация қилинганингиз ҳақида нохуш маълумот чиқди...
    - Ҳа, бу хабарни ўқидим. Кайфиятим тушиб кетди.

    - Ўша вазиятни эслай оласизми?
    - Ўйин тугади, ютқаздик. Захира ўриндиғида сув ичиб ўтиргандим. Якуний ҳуштак чалингач жаҳл билан идишни отиб юбордим. Тўғриси ўша вазиятда ҳакамни кўрмагандим, отган идиш ҳакамнинг яқинига ҳам бормади, 6-7 метр наридан ўтиб кетди. У эса менга улоқтирди деб ўйлади шекилли қизил карточка кўрсатди.

    - Терма жамоа лагерини тарк этдингизми?
    - Йўқ ҳозирча шуғулланиб турибман.

    - Эктор Купер бу борада нимадир дедими?
    - Ҳа. Бош мураббий бошқа бундай қилма, ҳар қандай вазиятда ҳиссиётни ушлаб туришни билишинг керак деди.

    » » Жалолиддин Машарипов: "Идишни ҳакамга қараб отмаган эдим"