Расман! «Реал» клуби Лопетегини истеъфога чиқарди

Мадриднинг «Реал» клуби Хулен Лопетегини жамоа бош мураббийлигидан озод этди. Бу ҳақда қаймоқранглилар расмий сайтида маълум қилинди.

Мутахассис ёзда жамоани қабул қилиб олганди. 52 ёшли мураббий қўл остида «Реал» ушбу мавсум 14та расмий ўйин ўтказди. Жамоа ҳисобида 6 ғалаба, 2 дуранг ва 6 мағлубият бўлди.

Бош мураббий вазифасини бажарувчи сифатида «Кастилья» устози Сантьяго Солари тайинланди. У эртадан бош жамоада иш бошлайди. «Замин»ни Telegram’да ўқинг!