2 очколик тафовут билан турнир жадвали пешқадами бўлиб турган "Шанхай СИПГ", амалдаги чемпион "Гуанчжоу Эвергранд" жамоаси меҳмони бўлди. Дуранг натижа ҳам Витор Перейра шогирдларининг фойдасига хизмат қиладиган учрашувни томоша қилиш учун стадионга 60 000 нафарга яқин мухлис ташриф буюрди. Стадиондаги шовқин шу даражада кучли бўлдики, аксар ҳолатларда ҳакамнинг ҳуштаги эшитилмади.
Перейра бугунги ўйинда Хитойдаги лимит туфайли сўнгги ўйинларда ўз ўрнини Элкесонга бўшатиб беришга "мажбур" бўлаётган Аҳмедовга ишонч билдирди. Сабаби битта, рақиб сафида яқиндагина Испания чемпиони бўлган Паулиньодек кучли футболчиси бор. Айнан Паулиньо қийин вазиятга тушиб қолган жамоасини биринчи бўлим сўнггида қутқариб қолди. 2:1 ҳисобида олдинда бораётган "Шанхай СПИГ"нинг дарвозабонининг иккита қўпол хатоси қимматга тушди. Аввалига Алан де Карвальо (43), ундан кейин Паулиньо гол уриб танаффусга чиқишдан олдин ҳисобни 3:2 кўринишга олиб келдилар.
Яқиндагина "Барселона"да Месси ва Суарес каби футболчилар билан бирга тўп тепиб юрган футболчи, бугун ҳамюртимизнинг жамоаси фойдасига пенальти ишлади.
Иккинчи бўлимда шанхайликлар яна ҳужум тактикасини қўллай бошладилар. Ву Лей ҳисобни теглаштиргач, Жанг Ченг Лин 79-дақиқада меҳмонларни олдинга олиб чиқди. Биринчи бўлим қаҳрамони Паулиньо антиқаҳрамонга айланди. Хавф бартараф бўлгандек кўринган бир пайтда, жарима майдончаси ичида Халк қўполлик билан тўхтатилди. Ҳакам ўйлаб ўтирмай 11 метрлик нуқтани кўрсатди. Сўнги бора "Зенит" сафида чемпионликни қўлга киритган жамоа сардори дарвозабонга ҳеч қандай имконият олдирмади, 3:5.
Хитой Суперлигаси мутассаддилари бугунги ўйиннинг аҳамиятини яхши билганлари учун ҳам бош ҳакамликка Германия Бундеслигасидан Бастиан Данкертни таклиф этган эдилар. Учрашувнинг иккинчи бўлимига 6 дақиқа қўшиб берган УЕФА ҳаками, 94-дақиқада "Гунчжоу Эвергранд" фойдасига пенальти берди, 4:5.
Хитой Суперлигаси 2004 йил тузилган бўлиб, сўнгги 7 та чемпиони айнан "Гуанчжоу Эвергранд" клуби ҳисобланар эди. Одил Аҳмедов жамоасининг энг яхши кўрсатгичи 2-ўрин бўлиб, бу натижа 2017 йил қўлга киритилган эди.
Қизиллар 29-турда "Шэньси Чаньба" жамоасини ўз майдонида қабул қилади. Айнан шу куни жамоа очко йўқотмаса бўлгани, "Шанхай СПИГ" Хитой Суперлигасининг чемпиони унвонини қўлга киритади.
“Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Толибон” Афғонистоннинг Хост вилоятида беш нафар фуқарони қамчи билан жазолади
Германияда ишлаш истагида бўлган ўзбекистонлик мутахассислар учун немис тили ўргатилади
Зоир Мирзаев “Телефонсиз мактаб”га 300 млн сўм мукофот берди
Испания ва Греция Киевга Patriot тизимларини етказиб беришдан бош тортди
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Учар автомобил йўловчи билан биринчи парвозини амалга оширди (видео)
Мария Захарова украиналикларни Америка ҳиндуларига ўхшатди
