Суперлига ва Про-лига клублари учун энг керакли нарса биласизми нима? ПЕРЕСТРОЙКА! Кайфим жойида, Горбачевнинг мухлиси ҳам эмасман. Шунчаки сўз яхши топилган. Аниқроғи, бундан яхшисини топа олмадим. Перестройканинг асоси лицензиялашда ётади. Жаҳон футболи амалиётида бу нарса бежизга жорий қилинмаган.
Агар ҳамма нарса тўғри бошқарилганида эди, биз камида “Насаф”дек жамоаларга эга бўлиб олишимиз керак эди. Кун келиб ҳукумат ўз корхоналарига СТОП дейди ва кейин улар жон деб футбол клубларига пул ажратмайди (энг ёмонини тасаввур қилиб турамиз-да энди). Мана шундай вақтда ким яшаб қолади?
Анави Кубокларни ютиш учун аввал клубнинг либоси бўлиши керак, жангга яланғоч кириш уятли барибир. Шунинг учун ҳам клублар олдин ўзини кийинтириши, ундан кейин юриш бошлаши керак чемпионлик учун.
Ҳозир аҳвол қанақа дейсизми? Баъзи клубларда нафақат пул етишмовчилиги бор, балки қарзлар ҳам талайгина. Булардан қутилмагунича клублар энди трансфер ойнасида ҳеч нарса қила олмайди. Керак бўлса 20 га тўлмаган футболчилар билан мавсумни ўтказсин, аммо энди қарзлардан қутилади.
Диёр Имомхўжаев
Манба: interfutbol.uz «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
