“Dubai Cup”: Ўзбекистон олимпия терма жамоаси Кувайт билан ўйнайди

Бирлашган Араб Амирликлари мезбонлик қилаётган “Dubai Cup” халқаро мусобақасида Ўзбекистон олимпия терма жамоаси 20 ноябрь куни Кувайт терма жамоасига қарши баҳс олиб боради. Бу ҳақда ЎФА матбуот хизмати хабар берди.

Олимпия терма жамоасининг мусобақадаги учинчи ўйини бўлган Кувайтга қарши баҳс Тошкент вақти билан соат 19:30да бошланади.

Равшан Ҳайдаров бошчилигидаги Ўзбекистон олимпия терма жамоаси шу кунга қадар Япония билан 2-2 ҳисобида дуранг қайд этган бўлса, мезбон БАА терма жамоасини 2-0 ҳисобида мағлубиятга учратган.