Иньеста: Моуринью «Реал» ва «Барса» футболчиларини душманларга айлантириб қўйганди

Испания терма жамоасининг собиқ ярим ҳимоячиси Андрес Иньеста «Реал» собиқ устози Жозе Моуриньюни танқид остига олди. Унинг фикрича, португалиялик мутахассис «Реал» ва «Барса» футболчилари ўртасидаги келишмовчиликларга сабабчи бўлган.

«Вазият ёқимсиз эканини сезиш учун «Барса» ёки «Реал» мухлиси бўлиш шарт эмасди. Бунда асосий ролни Моуринью бажарганди.

Бу ҳолатларни фақат фанатиклар сезишмасди холос. Олдинги тўқнашувларда душманлик руҳи жуда ошиб кетганди. Бу ўйиндан-ўйинга кучайиб борар ва чидаб бўлмас даражага етиб келганди.

Моуринью туфайли «Барса» ва «Реал» футболчилари орасида юзага келган кескинлик Испания термаси ва футболчиларга катта зиён келтирганди», – дейди Иньеста.

Манба: www.uff.uz «Замин»ни Telegram’да ўқинг!